Владислав Ховалыг: чогуур эмчи дузазын көргүскен

Дүүн, сентябрь 10-да, Хоорай хүнүнге тураскааткан салют үезинде, сөөлгү адыышкыннар көрүкчүлеп келген кижилерже угланы берген таварылганың соонда эмчи дузазын 2 кижи дилеп келген дээрзин Тываның Баштыңы дыңнаткан. Оларга дарый дүрген эмчи дузазы көргүстүнген, эмнелгеге чыттырып эмнедири негеттинмээн, бажыңындан эмнедири-биле чоруткан.

»Дүүн хем эриинге салют үезинде когараан улус дээш силерни сагыш човап турар деп билип тур мен, чаңгыс чер-чурттугларым. Консультация-диагностика поликлиниказының травмпунктузунга майыында өрттенген 30 харлыг эр кижини хүлээп алган. А Республиканың 1 дугаар эмнелгезинге арны өрттени берген 10 харлыг бичии оол келген. Оларга чогуур эмчи дузазы көргүстүнген. Кадыының байдалын хынамчалыг көргеш, оларны бажыңындан эмнедир кылдыр чорудупкан. Оларга дүрген сегиирин күзедим!» — деп В. Ховалыг чугаалаан.

#шын

Предыдущая запись
Даң-Хая Дурбулек: Соңгулда участогундан ажык-чарлыг медээлерни көргүзер мен
Следующая запись
Соңгукчулар идепкейлиг кээп турар
Меню