Барыын-Хемчик район судунуң ажылдакчылары «Таежный» дыштанылга лагеринде уруглар-биле ужуражылганы эрттирген. Олар назы четпээннер ортузунга корум-чурум үрээшкиннеринге удур профилактиктиг ажылды чорудары-биле, Ак-Довурак хоорайның «Таежный» дыштанылга лагеринге четкенин сагындыраал.

Кожуун судунуң парлалга албанының секретары Ш. А. Хомушку база шииткекчиниң дузалакчызы Ч.И. Ондар уругларга корум-чурум үрээшкиннериниң хевирлерин тайылбырлап, ооң кеземче харыысалгазының дугайында чугаалап, терроржу чорукка болгаш экстремизмге удур профилактиктиг беседаны чорутканнар.

Мира КОНГУЛ-ООЛ