Тываның Садыг-үлетпүр палатазының даргазы Аяс Мөңге Украинада болуп турар болуушкуннарга хамаарыштыр бодалын илереткен:
— Бо хүннерде чурттуң удуртулгазының хүлээп алган шиитпирлерин деткип тур мен. Ындыг шиитпир хүлээп алырынче бо тургустунуп келген байдалдар албадапканы ол, оон өске арга чок болу берген-дир. 8 чыл дургузунда Донбасска 13 муң кижи чок болган, моон соңгаар бо байдалды ол хевээр уламчылаары болдунмас болбайн канчаар! Ук девискээрлерниң чурттакчыларынга дузаны чедирер ужурлуг апарганывыс ол.
