А. С. Пушкин аттыг Национал библиотеканың номчулга залында Тыва Республиканың хүнүн таварыштыр «Мээң республикам номнарда» номнар делгелгези ажыттынган. Делгелге номчукчу бүрүзүн республиканың төөгүзүн, культуразын, кайгамчыктыг бойдус-чурумалының делегейинче шымныгып киреринче чалап турар.
Ында байырлалдың тывылганын, Тываның социал-экономиктиг хөгжүлдези болгаш аңгы-аңгы адырларда чедиишкиннерин көргүскен номнарны, юбилейлиг альбомнарны, журналдарны, брошюраларны салган. Делгелгеден Кызылдың база Тыва Республиканың 100 чылынга тураскааткан үндүрүлгелерни, ол ышкаш «Урянхай Тува», «Тува за 100 лет», «Урянхай. Тыва дептер» антологияны база «Тываның төөгүзү» номнарны көрүп болур.
Салдынган экспозицияларның дузазы-биле ном саңынга келген кижи бүрүзү Тываның билдингир черлеринче виртуалдыг аян-чорукту кылып, ооң каас-чаражын магадап, төрээн чери дээш чоргааралды база ооң салым-чаяанныг чурттакчыларын эскерип болур.
Национал библиотеканың материалындан Мира Конгул-оол очулдурган.
Чурукту социал четкилерден алган.
