Кызыл кожууннуң девискээринде уругларның айыыл чок чоруу дээш профилактиктиг үнүүшкүннерни назы четпээннер комиссиязының ажылдакчылары чорудуп турар.

Кожууннуң девискээринге хамааржыр хем эрии болгаш Чербиниң болгаш Ээрбектиң малчын чайлагларында уругларны хынаан. Ниитизи-биле 7 малчын турлагларга четкеш, тайылбыр ажылын чоруткан. Ол ышкаш хем эриинге айыыл чок чорукту сагыырын уругларга болгаш ада-иелерге сагындырган.
Черби, Ээрбек суурларга комиссияның үнүүшкүнннүг хуралын эрттирген.