Өвүр район судунуң администратору Алдынай Хирбээниң дыңнатканы-биле алырга, шүүгү органының ажылдакчылары кожууннуң төп эмнелгезинде чыдар аарыг улуг-биче чонга ёзулуг-ла кышкы тоолчургу илби-шидини тургускан.

Эмнелгениң ажылдакчылары, дежурный эмчилер, аарыг чон тоолчургу оранче шымныгып, ырлап-хөглеп, чашкы шааның шүлүктерин сактып чугаалааннар. Соок-Ирей биле Харжыгаш кижи бүрүзүнге белектерни сөңнээн.

«Чаа чылдың бүдүүзүнде эмнелгеге Соок-Ирей биле Харыгаш кээп, байырланчыг сагыш-сеткил көдүрлүүшкүнүн биске сөңнеп, чылыг-чымчак сөстер-биле аарыг кижилерге деткимчени көргүскени дээш четтиргенивисти илереттивис. Район судунуң коллективин 2025 чылда чедиишкиннер оюп эртпес-ле болзунам » — деп, дежурный эмчи сестразы Буянмаа Анатольевна Монгуш четтиргенин илереткен.

Мира КОНГУЛ-ООЛ белеткээн.
Чуруктарны социал четкилерден алган.