Баян-Талада «Маадырның партазын» ажыткан

⚡Баян-Талада «Маадырның партазын» ажыткан

Чөөн-Хемчик кожууннуң Баян-Тала ортумак школазында тускай шериг операциязынга киришкеш, маадырлыы-биле амы-тынындан чарылган Адыгжы Кууларга тураскааткан «Маадырның партазын» ажыткан. Аңаа ТР-ниң Аныяктар херээниң талазы-биле агентилелдиң удуртукчузу Эртине Куулар, Росгвардияның шериг-патриотчу ажыл талазы-биле бөлүктүң начальнигиниң дузалакчызы база кожуун төвүнден төлээлер, маадырның төрелдери, башкылары, чаңгыс классчылары, чаңгыс чер-чурттуглары киришкен.

«Бо төлевилел дээрге чүгле партаны тургузуп кааны эвес, а маадырлыг чаңгыс чер-чурттугларывыстың эрес-дидимин, патриотчу чоруун, оларга сактыышкынывысты мөңгежидип турарывыс ол болур. «Маадырның партазы» — Россияның маадырының чуруун сиилбээн, ооң допчу намдарын болгаш ачы-хавыяазын бижээн парта болур. Аңаа чүгле эки өөредилгелиг, сагылга-чурумнуг, активчи, спортчу өөреникчилер олурар» — деп, Эртине Куулар тайылбырлаан.

Мира КОНГУЛ-ООЛ белеткээн.

Агентство по делам молодежи Республики Т…

Предыдущая запись
Москвада 11-ги классчы Намзырай Бугалдай – тыва чоннуң чоргааралы
Следующая запись
⚡Өртке удур камгалал ажылдары
Меню