Орукка айыыл чок чоруктуң база бир кол кезээ — орук демдектерин сагыыры. Ак-Довурак хоорайның шупту өөредилге черлериниң девискээринде орук демдектерин чаарткан.
«ДОСААФ-биле 240 муң рубльге керээни чарган. 50 демдекти чаартыр. Амгы үеде ажылдың 80 хуузу кылдынган. Ол ышкаш орук озал-ондаа болур черлерни илередип, аңаа оруктуң айыыл чок чоруун камгалаары-биле, демдектерни болгаш оон-даа өске техниктиг кезектерни кылыры чугула. Бо ажылдар орук озал-ондаан болдурбас дээш кылдынып турар, ынчалза-даа орук дүрүмүн кижи бүрүзү сагыыры чугула» — деп, кожуун чагыргазының хөй-ниити айыыл чок чоруу болгаш мобилизастыг ажылдар талазы-биле оралакчызы А. Хомушку демдеглээн.
