Ооң мурнунда МИЧ-терге база Интернет четкизинге август 13-тү «Наадым-2021» байырлалының хүнүн таварыштыр дыштаныр хүн кылдыр чарлаан деп дыңнаткан. Ам билдинип келгени-биле, коронавирус хамчыының уржуундан малчыннарның байырлалы – Наадымны сентябрь айже чылдырган. Тывада коронавирус аарыы бичии-ле чавырылза-даа, байдал нарын болуп артпышаан. Ынчангаш чурттакчы чоннуң кадыкшылын болгаш амы-тынын кадагалаары-биле, Наадымга уткуштур көрдүнген хемчеглерни республиканың удуртулгазының тускай айтыышкыны үнгүжеге чедир өске үеже чылдырганы ол. Бо чылдагаан-биле август 13 чаңчыл езугаар ажыл хүнү кылдыр чарлаттынган.
#август13 #наадым #тыванын_аныяктары