ТывКУ-нуң студентилери «Ведомости. Спорт» федералдыг үндүрүлгениң удуртукчузу-биле медиа адырда актуалдыг угланыышкыннарны онлайн-ужуражылгага сайгарып чугаалашкан.
ТывКУ-нуң филология факультединиң студентилеринге ук үндүрүлгениң кол редакторунуң хүлээлгезин күүседип турар Наталия Калинина профессионал уран арганың чажыттарын чугаалап бербишаан, чижектерге көргүскен. Видео-харылзаа үезинде ол Пекинде Олимпий оюннарындан спортчу болуушкуннарны канчаар чырыдып болурун сайгарган.
Наталия Калинина студентилерни журналистика-биле холушкак адырларның аргаларын шиңгээдиринче кичээнгейни углаарын сүмелээн. Ол дээрге, бир дугаарында, социал четкилер-биле ажыл болур. Бүгү талалыг ажыл журналистиң профессионал чедиишкинин бедидер деп, ол чугаалаан.
