ТывКУ-га психолог-студентилер ортузунга интернет таварыштыр хоп-нүгүлге удур демисел дугайында өөредилгени чоруткан. Психология кафедразының башкызы Сырга Момбей-оол буллингиниң баштайгы демдектериниң болгаш психологтуң аңаа хамаарыштыр ажылдарының хевирлерин студентилерге таныштырган.

Ук кафедраның башкызы Ая Салчактың тайылбырлааны-биле алырга, ону чайладыр бизе, баштай бодундан эгелеп алыр. «Кибербуллингтиң, интернет таварыштыр хоп-нүгүлдүң эгелекчилери, агрессорлар дээрге кижидизидилге чок, каржы кижилер деп улус бодаар. Херек кырында, хоп-нүгүлдү интернетке кым-даа бижип болур» — деп, ол чугаалаан.

Психолог башкыларның дыңнатканы-биле алырга, кибербуллингиде 3 аңгы тала бар: агрессор, хайгааракчы база когараан кижи. Кайы-даа таварылгада кибербуллингини чайладыр дээш базымнарны кылып болур. Башкылар боттарының арга-дуржулгазын чугаалавышаан, тодаргай тайылбырны кылган.

ТывКУ-нуң парлалга албанының медээзинден белеткээн.
#айыылчокинтернет #тыванын_аныяктары