Бо чылдың октябрь 3-те сураглыг орус шүлүкчү Сергей Есенинниң төрүттүнгенинден бээр 125 чыл ою болур. Ынчангаш Рязань областьтың Чазаа Россияның Культура яамызының деткимчези-биле Бүгү-россия чергелиг есенинниң неделязын чарлаан.
Сентябрь 28-те «Культура.РФ» порталга С.А. Есенинниң амыдырал-чуртталгазының болгаш чогаадыкчы ажыл-ижиниң дугайында онлайн-лекциялар эртер.
Дараазында хүннерде Есенинге тураскааткан уран чүүл ажылдарының акциязы, «Ыры-биле төрүттүнген мен» деп хөгжүм-поэтиктиг шииниң трансляциязы, «Есенинни номчуп тур бис» деп видеороликтер акциязы, «Есенинни көрүп тур бис» деп ооң дугайында документалдыг болгаш уран-чечен фильмнер көргүзүү база «Есенинге байыр чедирип тур бис» деп хемчеглер болур. Бо бүгүнү «Культура.РФ» портал таварыштыр көрүп болур.
#есенинскаянеделя #тыва #поэзия #есенин #читаемесенина #Тыванын_аныяктары_сылдысчыгаш_солуннар