Самагалтай суурнуң чурттакчызы Артыш Седип-оол социал керээ езугаар финтес-клубту ажыткан.
Ол бодунуң хууда херээн ажыдып алырын хөй чылдар дургузунда күзеп чораан. Ооң күзели социал керээниң ачызында бүткени ол.
«Бичии тургаш-ла, спортка ынак мен. Албан-биле «фитнес-инструктор» болурунга өөренип, сертификатты алдым. Фитнес-клубка хөй акша ажылдап алыр дээш эвес, а чаңгыс чер чурттугларымны спортче хаара тудар сорулгалыг мен. Аныяктарны кадык амыдыралче углап, мээң спортчу залым оларны чыыра тыртар чер болурунга идегээр мен. Оон аңгыда бажың чанынга ажылдаары меңээ эптиг, чүге дизе алды харлыг оглум бар. Ол база меңээ чугула» — деп, ол чугаалаан.
