Тывада «Чаа сорук» төлевилели боттанып турар. Бии-Хем кожууннуң Аржаан сумузунда Орлан Доржукайның өг-бүлезинде чымыштыг үелер эгелээн.
«Малдың кыштаглаашкыны хүр-менди эрткен. Эрес-кежээ аныяк малчыннар малының бажын 100 хуу камгалап алганнар.
Өгнүң кыс ээзи Сюзана Александровна сумунуң эмчизинде ажылдап турар. Өг-бүле хүннүң-не чаа сагган сүдүн Аржаанның сүт болбаазырадыр цегинче дужаап, сүттен орулганы ап турар. Аныяк малчыннарга төрел-дөргүлү, кожууннуң көдээ ажыл-агый эргелелиниң специалистери база тус чер чагыргазының ажылдакчылары деткимчени көргүзүп турар» — деп, Аржаан сумузунуң социал четкилерде албан езу арынында бижээн.
Мира КОНГУЛ-ООЛ
