Барыын-Хемчик кожууннуң уруглар поликлиниказының капитал септелгезин «Авангард» подрядчик организациязы кылып турар. Оран-саваның эргилээн черлерин бузуп часкан, дээвиирин септээн. Ол ышкаш чылыдылга системазын чаартыр. Акшаландырыышкынның чартык кезии күүсеттинген. Септелге ажылдарын 2022-2023 чылдарда чорудары көрдүнген.
Оон аңгыда Аксы-Барлык сумузунга 2025 чылда ФАП тударын планнаан, а Эрги-Барлыкка эмнелге амбулаториязын тудар. Ол дугайында ТР-ниң Кадык камгалал яамызының сайыды А. Югай дыңнаткан.
