«Земля Надежды» көдээ ажы-агый кооперативиниң шөлдеринде картофельдиң дүжүдүн төндүр ажааган.
— Дүжүт ажаалдазынга идепкейлиг киришкен аныяктарга четтиргенимни илередип тур мен. Эң ылаңгыя Тываның политехниктиг техникумунуң студентилери дүжүт ажаалдазының эгезинден төнчүзүнге чедир дузалашкан. Оларның аразында келир үениң трактористери, машинистери бар — деп, кооперативтиң удуртукчузу Алена Куулар демдеглээн.
