Мээң ынак башкыларым хөй, ынчангаш кайы-бирээзин шилип алыры берге. Дыка үр иштинде бодангаш, англи дыл башкызы Сайсу Орлановна Хомушкуга шилилгем доктааган.

Сайсу Орлановна бисти англи дылга өөредип эгелээрге, шынап-ла, онзагай башкы-дыр деп билдим. Ол дыка билдингир кылдыр тайылбырлаар. Башкымның дузазы-биле дыка хөй чаа сөстерни билип алдым.

Башкывыс дыка шыңгыы, ынчангаш чамдык өөреникчилер сестир. Мен бодаарымга, ол – чүгле шыңгыы эвес, а чөптүг кижи. Өөреникчилериниң ажылдарын шыны-биле үнелээр. Боду англи дылды тергиин эки билир.

Меңээ англи дыл кичээли дыка дүрген болгаш солун эртер. Сайсу Орлановна кезээде өөреникчилеринге чажам дивейн дузалажыр. Ынчангаш англи дыл кичээлин дыка сонуургаар мен.

Евгения МОНГУШ,
Кызыл хоорайның 4 дугаар школазының 6 «в» клазының өөреникчизи

#минобразованиятувы
#коднюучителя #4школа #городкызыл #челлендж