Бо хүннерде ТИГПИ-ге школачылар болгаш студентилерниң бүгү Россия чергелиг»По святым местам» деп эртем-практиктиктиг конференциязы болуп эрткен. Ук төлевилелдиң удуртукчузу Елена Очур-оол дээрзин сагындыраал.

Эртем-практиктиг конференцияның ажыл-чорудудулгазы 3 аңгы угланыышкынга эрткен. Студентилер болгаш школачылар «Святые места», «Буддийские монастыри России», «Реализованные буддийские ламы» деп темаларга ажылдарны белеткээн. Ниитизи-биле 30 ажыг шинчилел ажылдарын аныяктар чоруткан.

«Чаа-хөл кожууннуң Чаа-Хөл ортумак школазының 8-ки классчызы Кан-Демир Кенден «Ыдыктыг черниң төөгүзү» деп номинацияга тиилекчи болган. Ол Сүме-Белинде ыдыктыг тураскаалдың дугайында илеткелди кылган. Шынап-ла, Чаа-Хөл кожууннуң девискээринде культураның болгаш төөгүнүң тураскаалдары хөй. Кан-Демир Кенден бодунуң ажылын 2022 чылдың күзүнүнден эгелеп шинчилеп, белеткеп эгелээн болгаш, ам-даа уламчылаар күзелдиг. Ооң эртем удуртукчузу Чаа-Хөлдүң библиотека ажылдакчызы Чодураа Кенден болуп турар» — деп, Чаа-Хөл кожууннуң төпчүткен библиотека системазының удуртукчузу Чойганмаа Даваа чугаалаан.