Улуг Тиилелгениң 80 чылынга база Өвүр кожуундан Ада-чурттуң Улуг дайынынга киришкен тыва эки турачыларга тураскааткан хол бөмбүүнге маргылдааны район судунуң коллективи организастаар. Оон аңгыда турнирни чурттакчы чон ортузунга спортту нептередир, күш-культураже хандыкшыдар база ук кожууннуң чурттакчы чонунуң ортузунга корум-чурум үрээшкиннерин болдурбас сорулга-биле эрттирер.
Спортчу маргылдаа апрель 25-те 10.00 шакта эгелээр. Чагыгларны апрель 24-ке чедир Өвүр район судунуң адрезинге киирер: Хандагайты суур, Почтовая кудумчузу, бажың 19.
Мира Конгул-оол белеткээн.
