Сай-Даш Таскый — Шагаан-Арыг хоорайның №2 школазында төрээн дыл болгаш англи башкызы. Ол бо чылын ТывКУ-нуң филология факультедин дооскан.
Сай-Даш Шолбанович — школачы тургаш-ла, хөй-ниитижи, идепкейжи. Ырылар чогаадыр, боду күүседир. Студент чылдарында «Университеттиң тергиини — 2023», «Чылдың студентизи — 2021» мөөрейлерге тиилеп турган.
Башкы кижи уругларның чогаадыкчы сонуургалын оттурар, оларны деткиир, чаа-чаа чедиишкиннерже углаар болгаш кадыкшылының аайы-биле харык-шинээ кызыгаарлыг уругларже кичээнгейни углаар ужурлуг деп, ол санап турар.
Аныяк башкының девизи: «Кажан-даа дүжүп бербе!»
