Ульяна Александровна Стал-оол – мергежилинге бердинген башкыларның бирээзи. Ол Кызылдың 9 дугаар гимназиязы ажыттынгандан бээр ында ажылдап чоруур. Хөй-хөй өөреникчилериниң ынак башкызы Ульяна Александровна тыва дылды кадагалап, ооң байлакшылын улам көвүдедиринге үлүг-хуузун киирип чоруур.

«Кижи бүрүзү төрээн дылын билир ужурлуг, ол дээрге бойдустуң болгаш чуртталганың чаяалгазы-дыр» — деп, башкывыс биске чагып чоруур.

Амгы үеде тыва дылды кадагалап арттырар дээш дыка хөй хемчеглерни эрттирип, ооң иштинде Тыва дылдың хүнүн тургусканы өөрүнчүг. Тыва дылды өөренип тургаш, ада-өгбелеривистен салгалдан салгалче дамчып келген ёзу-чаңчылдарывыс-биле таныжып, чонувустуң культуразын шиңгээдип турар бис.

Оон аңгыда башкывыс бистерни янзы-бүрү олимпиадаларга, конференцияларга киириштирип турар. Башкывыс өөреникчилери дээш бодунуң уруглары ышкаш сагыш човаар. Берге үелерде ыяап-ла дузалажыр. Ынчангаш аравыста бүзүрел бар

Арья ХОВАЛЫГ.
Кызылдың 9 дугаар гимназиязының 10 «в» клазының өөреникчизи,
«Элээди журналист» бөлгүмү