Бо хүннерде Саратовтуң Театр шөлүнде дээди өөредилге черлериниң «Студенчи час» ХХХII бүгү Россияның фестивалы болуп турар. Россияның 80 регионундан 3600 студент июнь 1-ге чедир янзы-бүрү мөөрейлерге, хемчеглерге киржир.

Фестивальдың байырлыг ажыдыышкынының үезинде, аныяктарга чурттуң Президентизи Владимир Путин байыр чедирген. «Фестиваль янзы-бүрү адырларга аныяк кижилерниң салым-чаяанын, арга-шинээн ажыдар арганы бээр.Чаңчыл болган шуулган студенчи акы-дуңмалышкы езунуң, эп-найыралдың адаа-биле эртип, он-он чылдарның дургузунда чурттуң бүгү регионнарының аныяктарының чыглыр төвү апарган» — деп, Владимир Путин демдеглээн.

«Студенчи час» ХХХII бүгү Россияның фестивалы делегейниң бирги космонавтызы Юрий Гагаринниң төрүттүнгенинден бээр 90 харлаанынга тураскааттынган болгаш, киржикчилерниң шилип алганы «Студвесна. Ближе к звездам» деп слоган-биле болуп турар.

Фестивальдың ажыдыышкыны «Полёт 108 минут» деп ат-биле 108 минута дургузунда 8 аңгы хевирниң болгаш жанрның көргүзүглери-биле эрткен.

Тываның студентилери «Күзелдерниң алдын согуну» регионалдыг программаны бараалгаткан. Ооң режиссер-тургузукчузу экономика факультединиң 2-ги курстуң магистрантызы, аныяк дизайнер Ай-Даш Сат болган. Ол регионалдыг программаны чогаадып кылыры-биле, 2 ай дургузунда ажылдаан. Программаның үндезини кылдыр «Хааннар шынаазын» алган. Ол шупту угланыышкыннырны хары угда алган: танцы, вокал, театр база мода.

Тываның төлээлери фестивальга чедиишкинниг ойнааннар. Кадынның кол ролюнда – төөгү факультединиң студентизи Пэма Шалык, а хаанны Ай-Хаан Хайбан ойнаан. Жюри кежигүннери аныяктарның күүселдезин, хептерин болгаш ниитизи-биле национал онзагайын аажок сонуургаан.

Шаңналдарны фестивальдың байырлыг хаашкынында тыпсыр.

ТывКУ-нуң материалындан Алена Нан-Хоо очулдурган.