«Тываның аныяктары» болгаш «Сылдысчыгаш» солуннарның кол редактору Мира Конгул-оол Кызыл кожууннуң төп библиотеказының ажылдакчылары-биле ужуражып, кады ажылдажылга дугайында чугаалашкан.
«Кызыл кожуун бо чылын тургустунганындан бээр 80 чыл оюн демдеглеп турар. Бо үе дургузунда кожуунга ажылдап келген хоочуннар, күш-ажылчы кижилер, хүндүткелдиг хамаатыларның дугайында улуг ажылды библиотека ажылдакчылары кылып турары чугаажок. Оон аңгыда олар Ада-чурт камгалакчыларының чылы болгаш Улуг Тиилелгениң 80 чылынга тураскааттынган хемчеглерде хаара туттунган. Ол ышкаш уругларның модельдиг библиотеказынга #Сылдысчыгаш уруглар солунунуң 80 чылынга тураскааткан хемчегни эрттирерин планнадывыс» — деп, Mira Kongulool чугаалаан.
Алена Нан-Хоо.
