ТывКУ-нуң «Алдын холдар» студенчи отрядының дайынчылары, инженер-техниктиг факультеттиң 4-кү курсчулары «Мирный атом ‒ ПРОРЫВ» күш-ажылчы төлевилелде киржип турарын сагындыраал. Студентилер хостуг үезинде янзы-бүрү мөөрейлерде, спортчу оюннарда киржип турарлар.

Бо хүннерде «ТИТАН-2» холдингиниң бүгү делегей чергелиг спартакиадазы болуп эрткен. Аңаа ТывКУ-нуң студентилери, студенчи отрядтың дайынчылары база киришкен.

Оолдар стол теннизи, шыдыраа, чиик атлетика болгаш дартс оюннарынга киришкеш, шаңналдыг черлери ээлээннер. Шыдыраага бирги черге Күдер Монгуш, дартс оюнунга үшкү черге Белек Оржак, чиик атлетикага үшкү черге Белек Ооржак төлептиг болганнар.

Студенчи отрядтың дайынчылары Томск облазының Северск хоорайының тудуг объектилеринге ажылдап турарлар. Олар каадырлар килдизинге херек эңмелекчизи база арматура, бетоннуг, дузалал ажылдарында хаара туттунган.

Төлевилелди Сибирьниң химиктиг комбинадының баазазында «Росатом» Күрүне корпорациязы боттандырып турар. Ооң чиңгине подрядчиги — «КОНЦЕРН ТИТАН-2» АН.

Студенчи отрядтың медээзинден Мира Конгул-оол белеткээн.
Чурукту социал четкилерден алган