Соңгу чүктүң шолбаны-ла,
Сорунзазы чайнап чыраан.
Салгын-хат дег, өде-чара
Сайын, кайгал Сотпажыкты.
Хары черге «демир куштар»
Харап, шыгаап бүргей бээрге,
Оруун дозуп, өөрүн хостаан
Орлан эзир Сотпа дуңмам.
Авазының хензиг төлү —
Авыралдаан маадыр оглу,
Чаалыг шөлге бажын салган
Чалданыш чок «Шаман» ол-дур.
Аймак-төрел аразынга
Айның чаазы эки хүнде
Дагын катап чаяаттынгаш,
Тайбың чаагай чуртта, дуңмам.
Төрел-чонуң, ынак аваң
Төөгүде мөңгежиткен,
Тураскаалың төрээн черде
Тургусканы сеңээ алдар.
Дөспес-оол
