«Авангард» төптүң баазазынга «Зарница 2:0» оюну болуп эрткен. Ниитизизи-биле регионалдыг чадага 11 команда киришкен. Оолдарның шыырак белеткелин организаторлар демдеглээн. Оюннуң шынары чылдан чылче бедип орар.

Ооң тиилекчизи Тываның кадеттер корпузунуң «Орлы» командазы болганын сагындыраал. Отрядтың командири, 11-ги классчы Шевер-Хээ Очур бо чылын күш-шыдал болгаш армейжи белеткел талазы-биле шыырак болган. Ол – оюннуң тергиин адыгжызы. Шевер-Хээ Калининградтың федералдыг айыыл чок чорук албанының кызыгаар институдунче дужаап кирер планныг.

Ийиги черни Кызыл хоорайның 3 дугаар школазының «Маадыр» командазы ээлээн. Үшкү черде Чеди-Хөл кожуундан «Сармат» командазы болган.

«Зарница 2:0» оюннуң тиилекчилери, кадеттер, Кемерово хоорайга болур зоналдыг чартык финалга киржири-биле белеткенирлер.