Тыва Республиканың Дээди Хуралының депутады Амир Соруктуг:

— Бөгүн ТР-ниң Чазааның отчёдун дыңнадывыс. Республика девискээринде янзы-бүрү адырларда кылдынып турар ажылдар, түңнелдер бар. Ынчангаш күүсекчи органның эрткен чылын кылып чоруткан ажылын деткип тур мен.
Бодум хуумда республикада инженер четкилеринге септелге азы тудуг ажылдары чоокку чылдарда көрдүнүп турар бе деп айтырдым. Харыы тодаргай болду: 2028 чылга чедир 357,5 сая рубльге ажылдар кылдынар. Оларны Каа-Хем суурнуң «Преображенский» болгаш «Радиостанция» микрорайоннарын чылыг-биле хандырарынга чарыгдаар. Септелге ажылдары Кызыл хоорайда, Кызыл база Чеди-Хөл кожууннарда объектилерге, Шагаан-Арыг болгаш Ак-Довурак хоорайның суг-биле хандырылга четкилеринге база кылдынар. Ынчап кээрге, бо айтырыг Тываның Чазааның кичээнгейинде турар-дыр. Ону эки деп санап тур мен.

Чурукту ТР-ниң ДХ-ниң парлалга албанындан алган.