Мөңгүн-Тайга кожуунда социал керээ күрүне деткимчези-биле аът мунуп өөредир школа ажыттынган. Мугур-Аксы суурнуң чурттакчызы Демиржаан Доржу чажындан-на ада-иезиниң малчын турлаанга дузалажып өскен. Школаны дооскаш, Воронеж облазынга Хреновскиниң аът мунукчуларының школазынга өөренгеш, тренер база жокей деп дипломну холга алган.

Күрүнениң деткимчезиниң ачызында аныяк специалист 4 аътты садып алган, амгы үеде аът мунар күзелдиглерни өөредип турар.

Кичээлдерге ажыглаар дериг-херекселдерни бодунуң акшазы-биле садып алганын сагындыраал. Аът мунуп өөренир күзелдиглерге кичээлди Ак-Хөл деп черде эрттирип турар.

Чурукту болгаш медээни социал четкилерден алган.