Тываның бүрүн эргелиг төлээ чериниң деткимчези-биле Москва хоорайга Тыва, Бурят, Калмык база Саха республикаларның студентилерин демнештирер «Ынакшылдың хээлери» студенчи бал болуп эртер. Ук хемчег нациялар аразының найыралын быжыктырар, культурлуг арга-дугуржулга солчулгазы болгаш аныяктарның этниктиг хамаарылгазын демнештирер сорулгалыг.

«Эгезинде чүгле тыва студентилер ортузунга бо хемчегни организастаар планныг турган бис. Ынчалза-даа чүгле чаңгыс регион-биле кызыгаарланмас деп түңнелге келгеш, акы-дуңмалышкы чоннарны каттыштырар сорулганы салдывыс. Оларга найыралдың, кады ажылдажылганың болгаш деткимчениң шөлчүгежин тургузуп бээри чугула» — деп, РФ-тиң Чазааның чанында Саң-хөө университединиң студентизи Бувайсар Монгуш чугаалаан.

Ниитизи-биле студенчи балга 500 хире киржикчи келирин организаторлар манап турар.

Мира КОНГУЛ-ООЛ очулдурган.

Чурукту социал четкилерден алган.