Мээң кырган-ачам аныяк чорааш, моряк турган. Ам назы-хары улгаткан-даа болза, бодунуң эштери-биле моряк албан-хүлээлгезин күүседип чораанын сактып чугаалаар. Чараш моряк хептиг чуруктары база бар. Авамны бичии турда, холунда көдүрүп алган турар чуруу база бар. Кырган-ачамның төрүттүнген хүнү февраль 20-де, ынчангаш ынак кырган-ачамга школавыстың социал четкилерде арынын таварыштыр байыр чедирип тур мен. Кырган-ачай, кадыкшылды, узун назынны күзеп тур мен!

Оон аңгыда амгы үеде тускайлаттынган шериг опреациязында киржип чоруур тыва дайынчыларга февраль 23 байырлалын таварыштыр байыр чедирип тур мен. Чурт камгалакчыларының улуг байырлалы-дыр, ынчангаш силерге четтиргенивисти илеретпишаан, байырывыс чедирип тур бис.

Алдын-кыс Ооржак.
Кызылдың 9 дугаар гимназиязының 7 «в» клазының өөреникчизи.
«Элээди журналист» бөлгүмү