“Баштайгыларның шимчээшкини” уруглар болгаш аныяктарның бүгү-российжи шимчээшкинниң Барыын-Хемчик кожуунда эге салбырларының аразынга «кажык» национал оюнга чемпионаттың муниципалдыг чадазы Чогаадылга төвүнүң баазазынга болуп эрткен.

Чемпионатка 10 команда оюннуң дөрт аңгы хевиринге – «Бодалажыыры», «Аът чарыштырары», «Кажык адары», «Сагалап ойнаары» мөөрейлешкен.

Бирги черге Аксы-Барлык школазының «Тыва», ийиги черге Дөң-Терезинниң «Чеди-Хаан», үшкү черге Бижиктиг-Хаяның «Эзирлер» командалары төлептиг болган.