Тываның Аныяктар херектериниң талазы-биле агентилели «Күзелдер шивизи» бүгү Россия чергелиг акцияның эгелээнин чарлаан.

Бүгү Россияның «Күзелдер шивизи» акцияны 5 чыл дургузунда «Мечтай со мной» төлевилелдиң иштинде эрттирип турар. Чаа чыл байырлалының мурнунда амыдыралдың берге байдалдарынга таварышкан чаштарның, улуг назылыгларның күзелдерин бүдүрер.

Акцияга 3-тен 17 хар чедир уруглар киржип болур. Оон аңгыда 60 хардан өрү назылыг кадыкшылының аайы-биле харык-шинээ кызыгаарлыг, инвалид хамаатылар киржир эргелиг.

Акцияга киржир дизе, дараазында ссылкаже баскаш, чагыгны арттырар: https://елкажеланий.рф

Кандыг күзелдерни чугаалап болурул?

Чурагайлыг техника
Идик-хеп болгаш каасталга
Ойнаарактар
Спортчу херексел болгаш хеви
Хөгжүм херекселдери
Хоббизинге барааннар
Бот-сайзарылга херек чүүлдер, чижээ: номнар

Оон аңгыда аян-чоруктарны «Москвага чедер күзелим бар», ужуражылгаларны «Ат-сураглыг бут бөмбүкчүзү-биле ужуражыр күзелдиг мен», сорулгазын «Цирктиң сцена артында чүү болуп турар көрүксээр мен», рольду «Поездини мунар машинист болуксаар мен» дээн ышкаш материалдыг эвес күзелдерни чугаалап болур.

Тыванын аныяктары/Молодежь Тувы

Чурукту Интернеттен алган