«Тываның аныяктары» солуннуң кол редактору Мира Конгул-оол «Хоойлу болгаш ниитилел» мөөрейге тиилээн

Тыва Республиканың Шииткекчилер чөвүлели чыл санында «Хоойлу болгаш ниитилел» мөөрейни түңнеп, тиилекчилерин илередип турар. Бо чылын мөөрейге ниитизи-биле 345 материалды киирген. Ында электроннуг болгаш парлалга үндүрүлгелери, ол ышкаш телеканалдарда сюжеттер кирген.

Мира Конгул-оол, «Тываның аныяктары», «Сылдысчыгаш» солуннарның кол редактору:

— «Хоойлу болгаш ниитилел» мөөрейде каш чыл улаштыр бирги черни ээлеп тур мен. Өөрүнчүг болбас арга чок. Бо удаада шүүгү ажылдакчыларының аразындан хөй уруг-дарыглыг өг-бүлелерниң дугайында материалдарны белеткээн турдум. Ниитизи-биле алыр болза, регионнуң шүүгү органнарының парлалга ажылдакчылары-биле сырый ажылдажылганы чорудуп турар бис.