Эрзин район судунуң ажылдакчыларының уруглары «Соок-Ирейниң мастерскаязы» мөөрейге киришкен. Соок-Ирей болгаш Чаа чыл темазынга мөөрей чыл санында эртип турарын сагындыраал. Чаштар боттарының холу-биле ойнаарактарны, дүрзүлерни кылып турар. Бо чылын мөөрейге Ёндан Хэрлэн, Сат Аялга, Ооржак Энерел, Янзоо Байыр, Янзоо Ай-Хаан, Дудуй-оол Бадма, Шижээ Айрат болгаш өскелер-даа идепкейлиг киришкен.

Жюри кежигүннери уругларның кылыгларын бедик үнелеп, кижи бүрүзүнге номинация аайы-биле белектерни тывыскан.

Район судунуң медээзинден Мира КОНГУЛ-ООЛ белеткээн.
Чуруктарны социал четкилерден алган.