Бо чылдың кадык камгалал адырының тергиин кадын кызы «Алдан» клиниканың ажылдакчызы Нояна Мижит болган. Ол «Тыва Республиканың кадык камгалалында мисс» атты чаалап алган. «ТР-ниң кадык камгалалының мистери» атка Тес-Хем кожууннуң төп эмнелгезиниң эпидемиолог эмчизи Буян Маадыр-оол төлептиг болган.

Бирги болгаш ийиги вице-мисс деп аттарга Чөөн-Хемчик кожууннуң инфекционист эмчизи Маакай Кара-Сал база дүрген дуза чедирер төптүң фельдшери Селенга Монгуш тус-тузунда төлептиг болганнар. А эр эмчилерден вице-мистер деп титулдарны «Алдан» клиникадан Сыдымчы Кужугет болгаш Психиатр эмнелгениң ажылдакчызы Алаш Ондар чаалап алганнар.

Мөөрейниң түңнели-биле өске-даа номинацияларга тиилээн эмчи ажылдакчылары хөй болган. Оларга деткикчилерден сертификаттарны болгаш акша шаңналдарын тывыскан.
Алена Нан-Хоо.