Бо хүннерде Екатеринбургта ча адарынга Россияның чемпионады болуп турар. Тывадан аныяк спортчуларны тренери Елена Достай баштап чоруур. Ол командазының дугайында мынчаар таныштырган:
— Командавыста спорт мастери атты камгалап алырынга белен 2 аныяк спортчу бар. Дүүн Лаа-Хуурак Чимит ча адарынга шупту нормаларны күүсеткеш, спорт мастери атты камгалап алды. Ол 4 хууда рекордту тургускан.
Маргылдаалар ажык дээр адаанда эртип турар болгаш, түңнелдери агаар-бойдустан база дыка хамааржыр. Оон аңгыда кыс уруглар командазы РФ-тиң субъектилериниң командаларының аразынга эртер бирги Спартакиадаже квота дээш демисежир. А оолдар командазы квотаны чаалап апкан.
Спортчуларга чедиишкиннерни күзедим!
Мира КОНГУЛ-ООЛ
#спорт
Тыванын аныяктары/Молодежь Тувы