ТывКУ-нуң студентизи Долзат Ооржак бүгү Россияның Студенчи эртем каттыжылгаларының дипломун чаалап алган. Ниитизи-биле мөөрейже 244 студент чагыгны киирген, оларның аразындан чүгле 40 ажылды шилээн
Тиилекчилерниң аразында ТывКу-нуң студентизи – Долзат Ооржак.

Мөөрей Москва хоорайга эрткен X бүгү Россияның аныяк эртемденнер чөвүлелиниң съездизиниң иштинде болган. Аңаа 76 региондан 800 хире кижи киришкен. Съездиге күрүне деткимчезин алган аныяк эртемденнер киришкенин сагындыраал.