Бай-Хаак ортумак школазынга башкыларның болгаш ажылдакчыларның Россияда чоннарның чаңгыс деминиң чылынга тураскааткан эп-найыралдың болгаш салым-чаяанныгларның онзагай байырлалы болуп эрткен.
Школаның башкылары болгаш ажылдакчыларының мурнунга белен эвес сорулга тургустунган: кайы-бир чонну шилип алгаш, ооң национал идик-хевин болгаш аъш-чемин көргүзер.
Башкылар кызымаккай белеткенген түңнелинде, каас-чараш, чаагай, сеткилдиң ханызындан байырланчыг хемчег эрткен. Мөөрейниң кол болуушкуну – ооң түңнелдери: бирги черни эге школа башкыларының коллективи чаалап алган. Ийиги черни география, чурулга, хөгжүм болгаш күш-ажыл башкыларының методиктиг каттыжыышкыннары ээлээн. Үшкү черге төөгү, сан, орус дыл болгаш чогаал, школаның техниктиг ажылчыннарының командазы төлептиг болган.
