Уруглар садтарының дугайында чугаалап тура, хөй кезиивис чаштарны чуруттунуп база пластилинден дүрзүлер кылып олурар деп бодаар бис. Ынчалза-даа Хандагайты суурнуң «Дамырак» уруглар садында көңгүс өске. Ында чаштарның күш-шыдалын быжыглап, езулуг-ла эр тура-соруктуг болгаш чемпионнарны кижизидип турар.

Уруглар садында күш-культура инструктору, аныяк башкы Очураш Донгак – билдингир мөге. Ол – Өвүр кожууннуң начын мөгези.

«Уруглар-биле ажыл бир онзагай оожургалды бээр» — деп, ол чугаалап турар.

Очураш Орлан-ооловичиниң ажыл-ижи бот-үлегерден база башкы биле өөреникчиниң аразында бүзүрелден тургустунган. Уруг бүрүзү дагдыныкчызындан тускай кичээнгейни алыр. Ынчангаш ооң кижизиттирикчилери хүреш маргылдааларынга шаңналдыг черлерже кирип турар. Уруглар садында «Мөгениң өөн» тиккен. Ында уруглар хүрештиң аргаларынга өөренип, чаа-чаа билиглерни ап турар.

Аныяк башкының арга-дуржулгазында тускай талазы – чүгле чаштарның күш-шыдалын белеткээри эвес, а чараш еуз-чпңчылдарга база өөредип турар. Кичээлдерниң бирги хүнүнден эгелээш, уруглар улугларны хүндүлээр, быжыг тур-соруктуг болур, кезээде кызымаккай болур кылдыр өөренип турар.
Башкының кижизиттирикчилери маргылдааларга тиилеп турарын сагындыраал. А ада-иелерның дыңнатканы-биле алырга, бичии чаштар дагдыныкчызының дузазы-биле боттарынга бүзүрелдиг, кызымаккай апарган.