Чаа-Хөл ортумак школазының өөреникчизи, Баштайгыларның идепкейжизи, «Төөгүнүң кадагалакчылары» класстың даргазы Виктория Шувакпут «Алдын согун» республика чергелиг турнирниң шаңналдыг черинче кирип, национал ча, согунну ажыглаарынга уран-аргазын көргүскен.

Тываның Баштайгылары янзы-бүрү спортчу, культура-массалыг хемчеглерде улуг сонуургал-биле киржип турарлар. Оларны боттарының салым-чаяанын дидими-биле көргүзерин шимчээшкинде өөредип, бодунга бүзүрелди, арга-дуржулга солчурунга база чаа-чаа билиглерни шиңгээдиринге шимчээшкин дузалаар.

Баштайгыларның кежигүннери Тываның культурлуг езу-чаңчылдарын кадагалаарынга, ону нептередиринге үлүг-хуузун киирип турарлар.

Баштайгыларның медээзинден Мира Конгул-оол белеткээн.
Чуруктарны социал четкилерден алган