Чөөн-Хемчик кожуунга Чадаана хоорайның ортумак школаларының ачаларының ортузунга спартакиада болуп эрткен. Спортчу маргылдааны Адалар чөвүлели организастаан болгаш, «Чаш назынның навигаторлары» төлевилелдиң кожуунда салбыры база чагырга чериниң, өөредилге эргелелиниң деткимчези-биле солун эрткен. Спартакиада чүгле адаларга эвес, а көрүкчүлерге байырланчыг сагыш-сеткилди оттурган.

Маргылдаада күш-культура, спортчу мөөрейлерден аңгыда, күш-ажыл, угаан-бодал сайзырадыр чадалар бар. Чаныш-сыныш чок демиселдиң түңнелинде, шаңналдыг черлер дараазында командалар аайы-биле хувааттынган:

 1 чер — 1 дугаар школаның командазы
 2 чер — 4 дугаар школаның командазы
 3 чер — 3 дугаар школаның командазы
 4 чер — 2 дугаар школаның командазы

Бо хемчег адаларның уруг-дарыының кижизидилгезинге кайы хире улуг үлүг-хуузун киирип турарын база катап бадыткаан. Аныяк адалар боттарының үлегер-чижээ-биле школа амыдыралынга киржилгезиниң чугулазын көргүскен. Кандыг-даа ада кижи уруг-дарыгны хей-аът киирер, деткиир, өөредир, бодунуң арга-дуржулгазын салгалдарга дамчыдар. Школа амыдыралынга оларның идепкейлиг киржилгези ада-ие биле школаның аразында харылзааны быжыглавышаан, бүзүрелди, уругнуң чедимчелиг сайзыралы дээш кады ажылдажылганың чугулазын айтып турар.

Алена НАН-ХОО белеткээн.