Тываның чыынды командазы Красноярскиден Владивостокче ужуп үнген. Олар «Азияның уруглары» бүгү делегейниң спортчу оюннарынга киржир. Аныяк спортчулар «Океан» бүгү Россияның уруглар төвүнге чурттавышаан, маргылдааларга белеткенир.
«Маргылдаалар Владивосток болгаш Артем хоорайларга эртер. «Азияның уруглары» бүгү делегейниң уруглар оюннары 1996 чылда бир дугаар Якутияга болуп эрткен. Ам ооң иштинче 20 ажыг оюннар кирип турар. Россияның Президентизи Владимир Путинниң даалгазы езугаар бо чылын маргылдаалар Приморьеге эртер. Тыва спортчулар хостуг хүреш болгаш якут чоннуң национал оюну хапсагайга киржир» — деп, тренер Буян Бурбучук чугаалаан.
