Чаа-Хөл кожуунда Булуң-Терек ортумак школазының өөреникчизи Айслана Монделе Байконурнуң космодромунче аъттаныпкан. Ол «Баштайгыларның космиктиг экспедициязы» төлевилелге тиилээн болгаш, космиктиг корабльдың ужуп үнерин көөр аргалыг болган.

Россияның өске 88 регионундан идепкейжилер-биле кады Айслана Байконурга чедип, космонавтиканың чажыттарын сонуургаар. Тиилекчилерни солун программа манап турар: космодромга экскурсиялар, солун ужуражылгалар, ук адырда сөөлгү чылдарның чедиишкиннери болгаш космонавтиканың келир үеде хөгжүлдези дээш оон-даа өске.

Баштайгыларның Роскосмос-биле кады организастааны мөөрей апрель 12-де эгелээн. Ооң бирги чадазында тестилерге харыылаан. Ийиги чадазы оон нарын. Киржикчилер космонавтика талазы-биле барык шинчилел ажылдарын кылган. Айслананың дыңнатканы езугаар алырга, негелде школа деңнелинден оранчок бедик болганы-биле, ук адырга хамаарылгалыг бүрүн шинчилелди кылган. Ол салдынган сорулгазын чедип ап, Байконурга Тыва Республиканы төлээлээр.
#движениепервых17
#министерствообразованиятыва
#достижения

Алена Нан-Хоо