Бо хүн, май 21-де “Авангард” шериг-патриотчу кижизидилгениң өөредилге-методиктиг төвүн байырлыг хевирге ажыткан.
Төп — боду болгаш чоок кижилери дээш харыысалганы минниринге, удуртукчу тура-сорукка, күштүг, дидим болгаш шынчы чорукка чаңчыктырар чер болур.
Төптүң девискээринде моондактарлыг мергежилгелер кылыр чер туттунган, пушкалар, бронетранспортер, янзы-бүрү хевирниң шериг техниказы делгеттинген.
«Бо хүн Россияныӊ Камгалал сайыды, Россияныӊ Маадыры, Армияныӊ генералы Сергей Шойгунуң төрүттүнген хүнүн таварыштыр ук төптү ажыттывыс. Төпке шериг назыны чеде берген аныяктарга, ниити өөредилге черлериниң өөреникчилеринге 5 хүннүң дургузунда шериг албанының үндезин билиглерин бээр чыыштар болур. Бирги чыыш сентябрь айда эгелээр» — деп, «Аныяк армия» регионалдыг төптүң удуртукчузу Айдын Шивидек чугаалаан.

#ЮнармияТыва #патриотчулар #тыванын_аныяктары