Кызыл хоорайның 9 дугаар гимназиязының 7 «в» клазында өөренип турар мен. Ачамның адын Ховалыг Орлан дээр. Ачамга дыка ынак мен. Бистиң өг-бүлевисте беш кижи бар. Ада-чурт камгалакчыларының хүнүн таварыштыр ачамга байыр чедирип тур мен. Мээң ачам дыка кызымаккай, угаанныг, шевер. Ол садикте ажылдап турар. Кады төрээннериниң аразында эң-не бичиизи, 4 кады төрээнниг.

Мен өг-бүлемде улуу мен, 2 бичии дуңмалыг мен, дуңмаларым-бие ойнаар, авамга дузалажыр мен. Авамның адын Ховалыг Чаяна дээр. Кел чыдар март 8 байырлалы-биле авамга байыр чедирип тур мен. Ада-иемге дыка ынак мен. Олар бисти кызып азырап, кижизидип чоруурлар.

Авам, ачамга кезээде аас-кежиктиг чуртталганы, ам-даа чедиишкиннерни, кадыкшылды, өөрүшкүнү күзээр мен.

Хенче Ховалыг.
Кызылдың 9 дугаар гимназиязының 7 «в» клазының өөреникчизи.
«Элээди журналист» бөлгүмү