Мен тыва мен, мээң төрээн дылым – чараш тыва дыл-дыр. Кандыг-даа кижи төрүттүнүп келгеш, бодунуң төрээн дылын ыяап-ла билир болур деп бодаар мен. Мен тыва дылда бижип каан номнарны сонуургап номчуур мен. Оон аңгыда тыва дылда шүлүктерни номчуурга, онза, чараш болур. Төрээн дылывыска шүлүктер, чогаадыглар мөөрейлери үргүлчү болуп турар болза эки.

Тыва дыл – эң-не чараш дыл, ооң онзагай аяалгазы, өске дылдардан ылгалып турар сөстери хөй. Чаш турдувуста-ла, ада-иевис биске төрээн дылын өөредип, дамчыткан. Ынчангаш ону утпас бис.

Оюу МОНГУШ,
Кызылдың 9 дугаар гимназиязының 9 «а» клазының өөреникчизи.

«Элээди журналист» бөлгүмү

#тыва_дылым_чоргааралым

Чурукту Интернеттен алган