«Партияның Дээди школазынга өөредилгем төнгени бо. Солун медээлер хөй. Быжыг билиг алдынган. Кайгамчыктыг кижилер-биле ужуражып чугаалаштым. Өөредилгениң спикерлеринге четтирдим, аңгы-аңгы регионнардан келген коллегаларымга чедиишкинни күзедим. А бистиң республикавыста хостуг хүрешке Россия чемпионады болуп турар» — деп, аныяк лидер Айдын Серен-оол бодунуң блогунда бижээн.
«Аныяк лидер» модульдуң 35 хар чедир дыңнакчыларының иштинден 50 хире кандидат праймериз үезинде бедик түңнелдерлиг болган. Оларның аразында Луганск, Донецк республикаларга дузаны көргүзүп турган база регионалдыг коммерцияга хамаарышпас организацияларның лидерлери, сайгарлыкчылар, эмчилер, башкылар, «Аныяк гвардияның» идепкейжилери бар. Дөрт хонуктуң дургузунда олар чурттуң көскү политиктериниң, социологтарының киржилгези-биле лекцияларга, тренингилерге киришкенин сагындыраал.
Мира КОНГУЛ-ООЛ.
