Ак-Довурак хоорайның 1 дугаар ортумак школазының башкызы Тайгана Сегбе #Тываның_командазы_2030 аныяктар шуулганынга киришкеш, бодунуң төлевилелин чедимчелиг камгалаан. Ол «Аас-кежиктиг өг-бүле» төлевилелин грантыга киириштиргеш, 100 000 рубльди ойнап алганын сагындыраал.
Тайгана Сегбе – өөредилге адырының республика болгаш бүгү Россия чергелиг мөөрейлерниң киржикчизи, удаа-дараа тиилелгелиг черлерни ээлээн. Ол ышкаш янзы-бүрү мөөрейлерниң, шуулганнарның, олимпиадаларның доктаамал киржикчизи болбушаан, «Амгы үениң школазы» федералдыг төлевилелдиң ажыл-чорудуунга киришкен.
