Барыын-Хемчик кожууннуң Кызыл-Мажалык сумузунга «Адам-өгбем хөөмей ыры» деп республика чергелиг мөөрей болуп эрткенин Тыва үндезин культура төвү дыңнаткан.

Мөөрей аныяк хөөмейжи Быртан-оол Айдың Арбын-ооловичиниң «Тыва улустуң хөөмейжизи» деп бедик атты алганынга тураскаатынган.

Дээди шаңналды Барыын-Хемчик кожуундан Найдан Донгак чаалап алган.
I черге – Далай Дамдын (Чеди-Хол), II черге – Чолдуг Көшкендей (Улуг-Хем), III черге – Откун Куулар (Өвүр) төлептиг болган.

Мөөрейниң эрттирикчилери – Барыын-Хемчик кожууннуң эрге-чагыргазы, хөөмейжи Айдың Быртан-оолдуң өг-бүлези, Тыва үндезин культура төвү.