Мээң ачамның адын Маады Тайхан Сергеевич дээр. Ол – амгы үеде тускайлаттынган шериг операциязының киржикчизи. Мээң ачам дыка кежээ болгаш эки. Ачам бичиизинден тура хүреш спортунга ынак. Эки өөредилгелиг турган. Бодундан бичии ийи дуңмалыг. Ол чеди ажы-төлдүг. Беш уруглуг, ийи оолдуг, кырган-ача база.

Мен ачамның эң ынак уруу мен. Ачам-биле кады чайын Тожу кожууннуң Ий суурга чурттап турган бис. Өөредилге эгелээрге, авам бисти хоорайже эккелген. Ачам – Тожу оглу. Авам – Тожу кызы. Ада-иемге дыка ынак мен, ынчалза-даа ачамга эң-не күштүг ынак мен. Ачам кажан-даа кыс улусту хомудатпас, бедик үн-биле безин чугааланмас кижи. Ачамның ачазы — кырган-ачам база тускайлаттынган шериг операциязының киржикчизи.

Ачамны дыка манап турар бис. Тиилелгелиг чанып келириңни күзеп тур мен, ачай! Ынак мен! Ада-чурт камгалакчыларының хүнүн таварыштыр бүгү-ле экини күзеп тур мен! Сээң урууң Милана!

Милана Маады.
Кызылдың 9 дугаар гимназиязының 7 «в» клазының өөреникчизи.
«Элээди журналист» бөлгүмү